韋奕禮自爆早走原因
證監會行政總裁韋奕禮早前宣布提早離職，引起市場多番揣測，佢日前喺美國紐約親自揭開提早走之謎。佢笑說話其實佢只係希望有個假期，因為英國倫敦十月份天氣開始好差，夏天回去，假期會好過些！
要享受歐洲夏天
韋奕禮九月一日會回英國返新工，趁住六月離開香港後的三個月空檔，可以享受一下歐洲的夏天。
佢早前就講過，好似佢呢啲外來者（outsider），可以話同業界冇聯繫包袱，較少受到外來影響，暗示繼任人找外國人會較合適。佢仲大讚，由來自內地嘅李小加，出任港交所（00388）行政總裁係極佳嘅決定。
港交所毋須購併
港交所正面對全球交易所合併潮衝擊，佢就話港交所仲未有合適嘅購併機會，其增長潛力主要喺「中國故事」，所以應該抓緊內地嘅市場機遇，提升本身嘅市場基礎設施，而唔係削減開支，及加強與上海交易所嘅合作。相反，依家進行購併嘅交易所，都係迫於市場競爭壓力。
韋奕禮提早離職，冀回倫敦享受夏天假期。（資料圖片）