| 租／售 |  |
| 租 售 | |
| 樓盤由property.hk提供 | |
市場徐想：消費股成終極贏家
外圍經濟數據轉強，粉絲信心大振。網購喺內地愈來愈普遍，調查顯示，淘寶網係內地最受歡迎嘅在家購物網絡，衣履同電子產品係當中最受歡迎嘅貨品類別，其次係貴價珠寶、手袋同配飾，人均消費每次約500蚊人仔。網上購物平台喺「互聯網2.0」之下急速冒起，除咗反映內地消費模式轉變之外，亦話畀我哋知內地消費「勢不低頭」，同「十二五」規劃擴大內需嘅主旋律不謀而合，首尾呼應。
「十二五」期間將持續進行戶籍制度改革，又將城鎮化比率由45%提升至50%，方便縮小城鄉發展差距、將農村城市化、同時提升內需消費。配合城市建設將帶動保障性住房、鐵路、地鐵嘅興建，人均收入得到提高，對內需帶來刺激作用。隨住更多資金被吸引到內需板塊，消費行業勢成「十二五」終極贏家之一，又要開始向內需股板塊出發。