汪阿姐擲三千萬換樓
兔年樓市升勢有增無減，新春期間置業人士入市意欲繼續高漲，即使近排忙於籌備演唱會的電視界「汪阿姐」汪明荃，近日都百忙之中抽空入市。據地產代理界好友報料，汪阿姐近日豪擲大約3,295.88萬元，購入由美國退休基金持有的九龍塘尚御3座高層A室，單位面積2,086方呎，折合呎價大約1.58萬元。
鍾情廣播道尚御
太子直接打電話畀汪阿姐，佢劈頭第一句就話：「我係買咗樓，用嚟投資嘅！」太子就問：「依家啲樓好貴喎？」阿姐說：「深水埗都有幾千萬嘅樓，呢個盤我睇咗好耐，廣播道啲樓好企理，住宅區又有公園。」太子叫佢買多幾個單位，佢話邊有咁多錢，承認都只係樓換樓，而之前間樓都賺少少。
尚御位處昔日有「五台山」之稱的廣播道，汪阿姐對呢個地方自然有濃厚感情，今次入市可以睇到汪阿姐份人都好「念舊」。
