市場徐想：投資理財 致富之道
踏入二○一一年，長和系成為升市火車頭。李嘉誠博士之所以能夠成就億萬財富事業，除咗卓越商業頭腦之外，理財秘訣都唔少得。從佢嘅個人演講中歸納，可以發現超級富豪理財有三個重要奧義：
一、三十歲之後重視理財。二十歲之前，所有嘅錢都係靠雙手勤勞換番嚟，二十至三十歲之間係努力賺錢同儲錢嘅時候；三十歲之後，投資理財嘅重要性逐漸提高；到中年嘅時候反而係點樣管錢比較重要。
二、理財要有足夠耐心。好多人成日問：「要四十年先成就億萬富翁，時間太長喇。」李嘉誠：「一個人想要利用理財喺短時間內快速致富，係唔現實嘅。」
三、「先難後易，先苦後甜。」每年儲1.5萬元，平均投資回報率20%，只要二十年，資產就可以累積至261萬元。如再奮鬥二十年，就可能登上億萬富翁嘅台階。當然，要保證每年都有20%的投資回報亦都唔係容易。