金牌AE：華潤水泥 估值偏低
港股創下近兩個月新高後，尋日受中美股市下跌拖累，掉頭大幅下挫，收市大跌415點，險守24,000點關。今次調整，若能守穩23,500點水平，可望重拾升軌。
華潤水泥（01313）自上市以來積極進行購併，產能大增，帶動業績強勁增長，加上中央推行汰弱留強政策，對行業龍頭更為有利，值得中線持有，可候低吸納，目標價7.2元。
華潤水泥係華南地區嘅水泥業龍頭，主要基地位於廣東、廣西、福建、海南同山西等經濟快速增長地區，對業務擴展非常有利。集團最近加快擴展步伐，去年底先後增購合營企業山西耀華水泥至89.8%權益，同時落實同山西華寶焦化成立合營企業，並增持股權至72%。
華潤水泥去年上半年盈利增66%至6.07億元，估計全年盈利17.5億元，每股獲利0.268元，預期市盈率二十二倍。今年盈利維持高增長，市盈率將降至十五倍，以高增長龍頭企業計仲係偏低。