太子手記：尚福林去港交所密斟
邀請咗中外不少金融高官來港演講嘅《亞洲金融論壇》前日曲終人散，其中一名重量級嘉賓中國證監會主席尚福林，尋日趁來港嘅空檔，中午前去咗港交所（00388），喺港交所主席夏佳理同行政總裁李小加陪同下，參觀交易大堂。
首次到訪獲贈紅背心
雖然尚福林過往已嚟過香港，但今次卻係佢首次參觀港交所交易大堂。港交所隆重其事，回贈一件出市代表紅背心畀佢，編號係「3826」，認真好意頭。今次尚福林參觀交易大堂，同行仲有中證監國際合作部主任童道馳。
據聞，今次尚主席除咗參觀交易大堂外，仲有同港交所管理層會面。不過，尚福林喺《亞洲金融論壇》已明言會加強中港金融合作，鼓勵企業來港上市及推出「小QFII」等，不妨等吓，可能就有好消息呢！
中證監主席尚福林來港順道參觀港交所。（資料圖片）