SOHO北京新盤被批醜樣

內地發展商SOHO中國（00410）一向都話係為注重生活品味嘅人群，提供創新生活空間，但估唔到，SOHO中國喺北京長安街嘅一個項目叫做「建外SOHO」，就畀內地出名演員宋丹丹喺微博入面大彈「難看極了」，仲「懇求」SOHO中國嘅老闆潘石屹，叫佢唔好再起樓，咪再破壞北京嘅景色。

令人感覺就到更年期

據太子了解，SOHO中國呢個項目喺北京國貿中心正南面，係目前CBD中面積最大的建築項目，總佔地有成16.9公頃，設計係來自日本著名設計師山本理顯。作為北京人民藝術劇院國家一級話劇演員嘅影視演員宋丹丹，喺微博仲形容，每次經過嗰度都有一種就到更年期嘅感覺，又話潘石屹應該對北京有番啲責任感，嘩，睇嚟真係令佢好辛苦咁喎！

潘石屹就喺微博回應話，建築係大眾嘅藝術，仲話歡迎各位朋友批判同點評。佢哋最近又將另一個作品「望京SOHO」嘅模型上載咗，都有不少網民批評聲音，例如「不好看，像史前動物」、「這是在我們的地球上嗎？」