市場徐想：湖南有色 憧憬注資
上個星期二講24,000點破關在即，一轉眼24,000已經同大家Say哈囉，一早都講炒股唔炒市，上星期五騰訊（00700）同長實（00001）領航勁升，不過指數只係升咗44點。
今年講過內需同「十二五」係重點，湖南有色（02626）都跌咗入「十二五」監察之列，原因係有色金屬嘅大方向已向阿爺上提，未來五年，對一眾金屬股，例如銅、鋁等十幾種講咗你都唔明，但同生活有關嘅金屬進行產量控制，阿爺話要提升產品附加值同強化下游加工產業咁話。如果咁樣講，成個行業會進行「結構性改組」─即係強者愈強、弱者愈弱的新局面。加上稀有金屬成為近期資源礦產性感話題，有排玩。
唔好唔記得，湖南有色嘅阿媽叫五礦，阿媽錫仔係天經地義，如果阿爺畀湖南仔一成資產，折合為每股約6.42元，等於股價一倍回報，值得追蹤！