買家搶樓美孚價破頂

本港樓市熾熱程度直逼去年旺市，二手屋苑再現排隊睇樓人龍，並罕見地有買家搶購高市價盤情況；一個高市價開價的荃灣中心細單位，日前同時獲逾10組客參觀，睇樓客需於大堂等候；至於盤源短缺的藍籌屋苑優質戶亦被搶至高價，荔枝角美孚新邨連售2個逾千「凸海」戶，其中一個呎價達8,185元，創全屋苑歷史新高。

東堤一句鐘招呼6枱客

美聯梁仲維稱，市區200萬元以下盤源銳減，荃灣中心17座中層404方呎單位，開價180萬元，昨同時獲至少10組睇樓客參觀，大堂出現輪候人龍，而至今業主仍未決定售出單位。同區綠楊新邨亦錄高價，美聯吳彤稱，屋苑D座頂層戶剛售400萬元，呎價約5,997元，屬同類三房戶九七年後高價。

美聯李錦榮稱，東涌東堤灣畔一個逾千呎交吉盤，放盤一小時即獲5至6組客參觀，業主即時考慮封盤。中原又稱，同區海堤灣畔本月錄13宗買賣，其中3座高層A室獲回流客388萬元購入。

市場掀起搶購熱，世紀21奇豐稱，馬鞍山居屋富寶花園5座中層K室，於上周六放盤，翌日即獲約4組準買家輪候睇樓爭購，終以180萬元成交。

另外，中原表示，將軍澳都會馬尺1座高層D室，同時獲2組客爭購，終售497.5萬元。

美孚「凸海」戶賣1380萬

藍籌屋苑優質戶續創新高，中原林家傑稱，美孚新邨盤源大減，優質戶成交價推上新高，其中1期百老滙街8號高層A室「凸海」戶，面積1,686方呎，用家不惜以高價約1,380萬元購入，呎價8,185元，創屋苑歷史新高；另外，8期百老滙街108號高層B室售1,350萬元，呎價達7,365元。

沙田好運中心約半個月內再破頂，利嘉閣李坤豫稱，屋苑柏林閣高層A室單邊樓王，面積653方呎，剛以438萬元易手，呎價6,708元，再創屋苑歷史新高。楓林閣低層D室售339萬元，亦高市價11%。

用家焗買連約盤等搬

港置稱，西灣河鯉景灣2座連地下花園戶，由於放盤罕有獲多組買家爭購，終以650萬元售出，呎價8,508元。世紀21卓傑稱，葵涌雍雅軒2座中層K室售429萬元，創入伙後新高。

盤源大減，用家亦「焗買」連約盤，美聯樊志聰稱，青衣青怡花園僅餘一個交吉睇樓盤，日前更有用家，不睇樓亦以226萬元，購入連「死約」5座高層戶，待年中才「交吉」成交，呎價5,231元，創屋苑九七年後次高。