AIA做善事出力發電
前日太子撞見友邦香港（01299）（AIA）嘅老友，見佢神色匆匆，當然要問吓佢搞乜，點知佢話趕住去「叉電」，雖然好多人計劃農曆新年休息吓、叉吓電，但係點解會搞到身水身汗？
踩單車為人「叉電」
原來佢係趕住去踩單車「叉電」，事關AIA聯同十幾家企業同學校嘅隊伍，分別利用原地踩單車所產生嘅動力，幫東華三院即將舉行嘅音樂會蓄電，實現零碳排放嘅綠色音樂會。
一個音樂會花大約40kw/h嘅用電量，而AIA就派咗10個員工參加，輪流踩5部單車；老友重話，今次終於親身體驗到平時用嘅每一度電，都要付出無數汗水先產生到。
最實際當然係出錢啦，AIA透過參加今次活動，捐錢畀東華三院嘅獎助學金計劃。
一班AIA員工踩完單車「叉電」後，齊齊影張大合照。