滙豐保險梁偉邦愛住香港
尋日太子同滙豐保險香港保險業務董事總經理梁偉邦（Robert）食飯，自然要問吓佢加入滙豐之後嘅近況，Robert話剛剛安頓咗人生三件大事──轉工、搬家同生仔。
老家澳洲常水災
原來佢第三個小朋友喺舊年十月出世，但相處唔夠兩個月，佢就要為新工作嚟香港上任，直至去年底時妻子先帶同幾個仔女搬嚟香港。依家一家人可以時刻相對，自然心情靚靚。
Robert話佢同妻子都好鍾意香港，覺得香港安全又舒適。其實Robert喺好多地方生活過，不過，天氣就未如人意，好似老家澳洲時有水災，倫敦就長年下雨，莫斯科直頭凍到臉部僵硬。
至於喺滙豐嘅生活，Robert話好榮幸加入滙豐呢個大家庭，覺得好有歸屬感，佢更加入咗滙豐嘅龍舟隊，希望善用自己嘅划艇經驗，幫隊伍攞冠軍咁話。