滙豐渣打出指數撞日
一一年剛開始，滙豐同渣打已經埋身肉搏？原來兩家大行不約而同咁揀咗下星期一，分別為旗下編製嘅指數舉行發布會，滙豐就派出香港區總裁馬凱博主講，渣打則由亞洲區行政總裁白承睿出馬，仲請咗標普董事總經理兼大中華區主管周彬助拳。
渣打標普合推大中華指數
一個地區嘅金融活動有幾活躍，同呢個地區有幾多相關經濟參考指數有直接關連。歷來好多銀行都猛咁推出指數，早前中銀先推出離岸人債指數，今次就輪到渣打同標普合作，推出大中華指數，主要覆蓋中、港、台三地市場。而滙豐就繼續為佢哋嘅新興市場指數，發表去年第四季嘅報告。
兩隻指數覆蓋面唔同，好難直接比較，評價邊個搞得有聲有色啲，唯一可以肯定嘅，市場有多啲指數參考，得益嘅始終喺大眾。