中移李耀當iPhone無到

中移（00941）同iPhone嘅合作，講咗一段好長嘅時間，最早講話要將iPhone引入內地嘅係董事長王建宙，但至今都係只聞樓梯響，據內地媒體講，中移首席執行官李躍對呢件事一直比較在意，聽講佢甚至响公司嘅內部講話中，拒絕使用iPhone一詞，而改用「很知名的一家公司的第一部手機」來代稱。

嘆重視有餘尊重不足

李躍又提到，明顯感覺到中移同其他公司嘅合作中，受到重視有餘，但獲得嘅尊重就不足。佢話中移成為一個巨無霸已經係事實，所有合作夥伴無乜邊個唔重視中移，但佢哋嘅合作夥伴亦有同微軟、Google、蘋果公司合作，而佢哋對蘋果公司、微軟等嘅態度，同對中移嘅態度係有差異。此番言論令人感覺到李總身上流緊既係中移嘅血。

近日內地媒體有報道中移旗下嘅成都移動响當地報紙上打廣告開賣iPhone 4，太子見到眼都凸，因內地三大電訊商中，只有聯通（00762）正式賣緊iPhone，結果中移方面亦向內地媒體話尚未同蘋果公司達成協議。