新地煙花倒數雙重意義
一○年已經喺一片歡呼聲之下，成為咗歷史，而當晚除夕夜仲吸引咗數十萬人喺維港兩岸一齊倒數。其實大家可以睇到咁靚嘅煙花，真係要多謝新地（00016）同恒地（00012）嘅贊助。
獎學金助員工子女
新地已經係連續四年贊助呢個倒數活動，今年仲特登請埋一班獲得集團獎學金嘅員工子女同埋屋企人一齊出席添！
做代表出席倒數活動嘅新地執董陳鉅源就話，今年先特別成立「新地員工子女本科獎學金」，贊助有潛質嘅員工子女完成大學本科課程，今年一共贊助咗八個，喺呢個普天同慶嘅日子仲請埋佢哋一齊嚟倒數，迎接新一年。獎學金計劃係新地堅持「以人為本」嘅信念。
四叔自爆又快抱孫
除咗新地咁有心外，當晚天氣咁凍，恒地「四叔」李兆基都親自嚟撐場，仲爆料話新抱徐子淇有咗第三胎喇！
新地喺除夕夜邀請獲集團獎學金嘅員工子女與屋企人出席煙花倒數活動。