太子手記：恒生總廚健康煮意
天寒地凍，最啱食蛇暖暖身子。講起蛇宴，相信每一個銀行中人，都會即時諗起恒生（00011）嘅博愛堂。太子八到，原來炮製美食嘅總廚來頭不小，攞過法國美食協會嘅專業廚師勳章。
恒生博愛堂嘅總廚人稱成哥，加入恒生前喺不少大餐廳工作過，包括米芝蓮嘅推介餐廳，成哥就係憑「杏汁煮星斑」等自創菜式，獲得恒生管理層的歡心，連恒生副董事長梁高美懿都對成哥非常讚賞，鼓勵佢繼續發揮創意，煮出新菜式。
響應環保 棄魚翅髮菜
最令太子印象深刻嘅係「綠色」概念。原來博愛堂自○三年開始，已經唔再用魚翅做菜，到○七年起，更完全遵照世界自然基金會嘅海鮮指引，唔用珊瑚魚、髮菜等做食材，等恒生嘅「食堂」可以延續佢哋嘅綠色銀行概念。成哥將連過往較濃味嘅菜單，都改為較清淡、健康嘅食譜，讓恒生上下可以食得更健康。
恒生總廚成哥○七年已棄用魚翅、髮菜等食材。