市場徐想：達進精電 受惠國策
如果一○年投資主題係家電下鄉，咁一一年應該係環保節能，LED照明股就係好例子。成個LED板塊全線上揚，全因早前國家發改委、住房城鄉建設部同交通運輸部三個部委聯合組織嘅LED照明產品應用示範工程，正式公布入圍嘅28家企業名單，行業前景都幾理想。
內地公布嘅「十二五」規劃內的七大戰略性新興產業，節能環保排首位，反映中央嘅重視程度。此外，節能照明可以受惠於「十二五」嘅減稅優惠。
現時香港上市嘅企業中，照明股只有3間，而直接受惠於近期LED照明產品應用示範工程嘅公司，更只有達進精電（00515）同雷士（02222），但達進掌握多項技術，係內地節能路燈市場領導者；雷士就係內地最大嘅節能品牌供應商。
達進係政策下嘅大贏家，股價喺3.2元有支持，尋日仲大陽燭加大成交爆上，目標價4.6元。