預約睇樓連升兩周

買家見業主叫價態度回軟，入市意欲回升，50個指標屋苑預約周末睇樓量連升兩周，本周再錄4.9%升幅，而市場近期錄得不少減價個案，屯門市廣場有中層戶以159萬元售出，較原叫價下調逾16%。

新界區睇樓多7%

利嘉閣稱，買家近期見樓價未再回落，再出動睇樓，帶動睇樓量再升，今、明兩日睇樓量再升4.9%至2,805組，用家比例亦升1個百分點至64%，其中新界區預約睇樓量升幅更達7.1%。

市場續錄不少減價成交，中原王樹明稱，天水圍嘉湖山莊樂湖居3座低層H室，減價16萬後連裝修售192萬元。該行梁朗麒稱，元朗御豪山莊9座低層H室，前後共減18萬後，終連車位售267萬元。

祥益袁思賢稱，屯門市廣場8座中層E室，業主勁減31萬元後，以159萬元易手，呎價3,383元，低市價逾6%。

置業18黎應龍稱，外資基金日前減價20萬，至557.7萬元，沽出長沙灣星匯居2座高層A室，三年貶值4%；另亦減15萬元沽出同區ONE NEW YORK高層C室，成交價342.7萬元，持貨兩年貶值約9%。

亞洲地產姚雲龍稱，「摸王」黎汝遠剛減價沽出北角城市花園1座高層D室，成交價約720萬元，單位半年升值約115萬元。