英財政大臣踢爆紅箱失匙
潮流興踢爆？繼維基解密之後有佢，英國財政大臣歐思邦！佢今年五月上任至今，似乎對政府好多嘢都睇唔過眼，要發洩吓。其中最令人驚訝嘅，係有150歷史，用嚟載住財政預算案嘅紅色手提箱，原來一早唔見咗條鎖匙。
英國官方好多重要文件，都會放喺紅色木箱內傳遞。財政大臣呢個紅色手提箱，更加係全世界嘅焦點，皆因每年公布財政預算案前，財政大臣都會喺唐寧街官邸門口，拎起呢個代代相傳、用咗150年嘅手提箱畀傳媒影相。然後先會去下議院，從箱內攞出份預算案出嚟讀。歐思邦忽然爆響口，條鎖匙唔見咗幾年，而個箱一直都係鎖住。