市場徐想：和黃有勢 吼價內輪
觀乎近期大市走勢，22,850點支持位同23,506點阻力位形成了一個小型的困獸鬥格局，加上外圍市場一時好一時壞，大家都似乎想睇定啲先至出手。
用衍生工具喺單一大牛市捕捉升浪，係一個絕對正確嘅方法，不過最緊要係知道自己買緊嘅窩輪係乜嘢條款，唔好輪商推就走去買。當然，買價外輪或者貼價輪嘅回報可以好高，但正如之前所講，「一把刀放喺你條頸上」，一時守唔住，可以令你立即戰死沙場。
近排和黃（00013）走勢持續向好，喺80元附近橫行兼慢慢向上，如果大家覺得正股貴，不如試吓搵隻價內輪嚟買吓，以捕捉正股走勢，今次見到隻25145，行使價73.9元，二○一一年二月到期，由於係價內證，相對受引伸波幅影響較低。加上形態上和黃又真係似準備飛升，再加上各大行全力出口術唱好，不斷提升佢嘅目標價。又睇吓喺和黃嘅強勢配合下，呢隻價內輪可唔可以送一份聖誕禮物畀大家啦！