期指攻略：升穿23867 再建好倉未遲

大市昨日出現反彈，並扭轉一連三日高開低收，在圖表上連續出現三支大陰燭的惡劣走勢。

昨日大市的升勢，主要是受到滬綜指午後轉強所帶動。恒指全日升190點，收報23,428點，但成交縮到726億元，乃過去一星期最低紀錄，完全配合唔到大市升幅。尋日除本地零售類股份外，港股連炒賣焦點都無，市場的假期氣氛濃厚。

昨日升市，美中不足是恒指最高只能去到23,475點，未能趁機重上20日及50日線的23,492點及23,465點樓上，走勢仲未脫離「危險期」，暫時未可確認市況經已好轉，有機會在假期前繼續玩上落，磨滅好淡雙方的意志。唯一安慰係即月期指午後去到23,502點，距離23,570至23,620點的重要阻力區，行近一大步。

買賣兩閒承接乏力

除上述兩個即市阻力之外，大市一日唔升穿頭肩頂的右肩阻力23,867點，仲係有可能在完成右肩後，再出現急跌，所以想做好倉，較妥當的做法，還是等升穿大位之後，才追買未遲。始終臨近年尾，買賣兩閒，承接力不足下，向上向下機會均等。假期前，筆者會維持破位才追嘅策略，現貨計，上阻力23,867點，下支持23,000點，目前仲係少做少錯為宜。