市場徐想： 強積金 勿期望過大
MPF成立十年，你同我都喺有限嘅選擇下成為佢哋嘅粉絲。根據數據顯示，揸住MPF十年，基本上都可以打倒通脹，但如果以平均年回報為5%嘅股票基金嚟講，就唔算好勁。講真，MPF最大贏家梗係MPF公司啦！最大輸家係一眾低收入、但係要供款嘅升斗市民，七除八扣，無乜幾多剩，點過埋下半世啊？
講真，MPF理論上唔夠你退休就已經講咗好多次，退休生活一定要好好靠自己，養成儲蓄嘅習慣，但要記住，儲蓄嘅習慣仲要適當放喺合心水嘅投資產品上。有粉絲建議MPF加入巴西、俄羅斯呢類新興市場，講真佢哋增長動力確係好強，不過熱錢嘅波動性又會非常大，加上佢哋有一個學名叫「單一國家基金」，單一國家唔符合分散風險理論，不過講真，太分散，有時會射唔中紅心（Hit Jackpot），仲冇意思，最緊要係投資者教育做得夠唔夠。