短炒倉：威靈 大把炒上理由
尋日港股仍係高開低收，走勢極曳。不過，市場資金始終都要搵地方落腳，整固咗近兩個月嘅電器股，就見有回勇迹象。主要從事產銷空調、冰箱同洗衣機等電器產品嘅威靈控股（00382），股價昨日收報0.405元。
受惠於「家電下鄉」同「以舊換新」等利好國策，威靈截至六月底止中期盈利上升67%，至2.98億元，每股獲利2.17仙。但其實除咗「家電下鄉」之外，威靈亦積極拓展節能馬達業務，同樣配合「十二五」規劃的節能減排方針，何況母公司美的亦有機會注入其他白家電資產，可以話係不愁炒上藉口。
預期威靈下半年業績可延續上半年走勢，按每股盈利0.45仙預測，市盈率九倍，相對其他白家電股如海信科龍（00921）同海爾電器（01169）起碼十幾倍市盈率，明顯扺買得多，以十二倍計，股價已可見0.54元，志強唔咁貪心，0.5元已經收貨，止蝕0.36元。
