平保「青年軍」 陸續接班
平保（02318）以往用好多海外人才，但隨着自家培訓嘅「青年軍」愈嚟愈成熟，唔少人已經升到上管理層，好似除咗將會出任總經理嘅任匯川之外，現任平安產險常務副總經理孫建平就會接替任匯川，出任平安產險董事長兼首席執行官，現任總經理助理王新就會出任平安產險總經理。
好多都喺基層做起
唔少當年喺平保成立時加入嘅後生仔「眨吓眼」已經四十幾五十歲，正值黃金年代，好似孫建平咁，佢就係由平安產險嘅基層做起，做過十幾個崗位，參與過幾次產險行業嘅大改革，好似開拓電話銷售、推動全國車險費率制度改革、交強險制度等。
另外，平安產險嘅「A」級評級就比標普繼續列入負面信用觀察名單，主要由於平保認購深發展新股，呢一次認購可能降低平保資本實力同埋整體財務靈活度。