市場徐想：金活走勢佳小注買
呢個星期歐盟唔係好掂，又成為一個推散市場嘅理據，講真，歐盟為咗穩定債務問題，一定要繼續泵水，正如筆者所講，呢個問題會成為一個「細水長流」嘅問題。
媒體朋友叫我做半新股專家，自己真係唔敢當，因為我都係不斷學習，喺某雜誌推介嘅四環（00460）、長興（00238）同華耐（01020）都喺周初應聲而起，但正如之前所講，半新股嘅數據太少，平均線又唔太成熟，一定要依靠成交同形態嘅配合，唔可以心急。
好多朋友成日話投資係好複雜，其實只要慢慢學，就一定學到。筆者以前係一個化學系畢業嘅人，讀咁多書，冇一個課程教到我真實世界嘅投資，全憑自己跌跌碰碰先開始有小成，記住努力為上。
金活（01110）係筆者近期跟進嘅半新股，形態持續向上，配合半新股攻略要求，小注買入，跌破3.29元走人，如果冇事就由得佢飛。