太子手記：團購網始祖來港插旗
電子商務模式五花八門，B2B、B2C、網上拍賣已經唔係乜嘢新奇事物，近年新興起的「團購」，更可謂是將互聯網集腋成裘的特性發揮至極。唔怪得網上巨人Google近日亦傳出想用60億美元，收購美國團購網站始袓Groupon。另一邊廂，Groupon亦正向亞洲市場「插旗」發展，正式推出服務只有半年的香港團購網uBuyiBuy，日前正式被Groupon收購，並再次成就了又一個年輕人網上創業的成功故事！
「團購」就是將消費者集合在一起，透過大規模的採購向零售或服務供應商爭取價錢優惠。
兩港青成功創富
至於今次被收購的主角uBuyiBuy是由三十出頭的楊聖武（Danny）與區致恒（Nelson）聯手創立，公司於今年六月正式推出服務後，十月就已經取得按月計的收支平衡，成立短短六個月，就被業內龍頭主動提購，而在收購之後Danny同Nelson仍然會負責uBuyiBuy的營運，所以話年輕人網上創業致富唔止係外國或內地才有，香港其實亦有唔少成功例子。