短炒倉：聯泰爆發力勝一籌
呢幾日時裝零售股炒到癲，志強早兩日推介嘅鱷魚恤（00122），1元目標價話咁快就到。而炒風更有開始蔓延至上游製衣股嘅迹象，申洲（02313）、互太（01382）昨日升幅都超過2%，而較冷門嘅聯泰（00311）更單日急升9.7%，收報0.9元。
聯泰為世界性大型服裝製造商，生產設施分布於內地、菲律賓等，主要市場則為歐美地區，包括adidas、Esprit、Polo Ralph Lauren等知名品牌均是其客戶。受累於工資及原材料成本上漲，集團中期純利只微升1.3%至750萬美元，但近日棉花價格在中央出手遏止炒風之下，由高位大幅回落，相信對聯泰下半年業績有利好作用。
聯泰股價今年四月由1.2元水平回落，之後長期在0.8元附近橫行，相信貨源十分歸邊，加上市值不足10億元，要炒上並不難，尋日第一支大陽燭向上，爆發力應該冇咁快玩完，大可跟進炒一轉，目標1元樓上。
