金牌AE:世茂房地產 走勢轉強

金牌AE:世茂房地產 走勢轉強

港股持續於23,000點水平反覆整固,尋日收市升241點,報23,249點,恒指已重上10日線,有轉穩迹象,值得留意。

近期大弱勢嘅內房股,尋日亦有轉勢迹象,表現較好嘅有合生創展(00754)同富力地產(02777),分別上升6%同5.4%。

今日推介股價較落後嘅世茂房地產(00813),股價由八月初嘅高位15.8元反覆回落,近日於11.5元水平已建立穩健底部,尋日高收12.06元,股價已升穿下降軌,重上10日線,而STC(SLOW)亦現買貨訊號,新升勢應可展開,初步上升目標14.5元。

世房係內地優質房地產項目嘅大型發展商,土地儲備達3,280萬平方米,今年首十個月銷售達237億元(人民幣.下同),而管理層亦有信心今年300億元銷售目標應可完成,而明年銷售目標則增至400億元。

世房備受大行睇好,花旗最新研究報告維持「買入」評級,目標價20.55港元。而世房主席許榮茂最近半年來多次增持公司股份,單係十一月份已增持9次,股價分別由11.6至12.5元不等,足顯其信心十足。

世茂房地產(00813) 目標價:14.5元 止蝕價:11.5元

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率

冼金基