短炒倉：四環 有力上試7元關
上周掛牌嘅金活醫藥（01110），尋日收市勁升15%創新高，醫藥股有機會成為炒家新目標，早一個月上市嘅四環（00460），值得望多兩眼。
招股時氣勢無兩嘅四環，上市後最高只見過6.1元，之後就無以為繼，不過近幾日開始慢慢上番嚟，尋日升穿6元關後，升勢更係一發不可收拾，一口氣飆上6.17元新高收市。
四環以研發心血管藥為主，去年於內地心腦血管藥物市場佔有率高達17.1%，過去幾年盈利持續增長，○八年、○九年及今年上半年盈利增幅分別達32.2%、37.7%及110%，而整體產品毛利率達70%以上。
四環上市後於低位反覆近一個月，抽番嚟沽嘅應該都已沽得八八九九，貨源重新歸邊，爆發力唔講得笑，志強認為起碼可以試7元關，穿5.7元止蝕。
四環醫藥（00460） 目標價：7.0元 止蝕價：5.7元
