市場徐想：內需股勝算高一籌
南北韓開拖，連個市都畀佢嚇一嚇，好彩恒指喺22,850點暫時都企得穩，總之都係嗰句，「炒股唔炒市」。
摩童大佬發表報告預期，未來十年中國經濟增速將放緩，但消費將加速開車，成為全國經濟增長引擎，未來十年中國經濟將迎接消費黃金時期，二○二○年中國消費總量將達到美國的三分之二，佔世界消費總量12%，都咪話唔厲害。
報告又指出，中國新增消費已經喺○八年超越美國，預計二○二○年將達世界新增消費嘅20%。講真，從宏觀經濟學分析，消費增長主要受惠於經濟增長、工資增長、服務行業嘅發展、公共支出、收入結構再分配、人口老齡化、經濟發展水平同城市化。
內需肯定係未來中國嘅黃金十年，喺度搵股炒勝算自然高。早前講過嘅四環（00460）同雷士照明（02222），終於有「動起來」嘅感覺，可以繼續跟蹤，通常一支陽燭高升又加上大成交，唔會咁快玩完。