中油氣月初公布，在陝西省金庄油田勘探發現高產深層天然氣，預料未來天然氣產量將大幅上升。雖然有利好消息，但市況唔就，股價亦由高位0.51元回調，但早兩日去到0.46元已唔肯落，尋日回升4.3%，收0.485元。
中油氣上個月尾以每股0.45元批咗4.32億股新股畀OZ Management，變相幫股價打咗底，此外，集團又向至少6個承配人配售2.5億份認購證，行使價為0.53元。可見0.45至0.53元係安全嘅炒作水位，短線不妨游番幾轉。不過，志強心諗基金接貨唔會咁易滿足，中線升上0.65元亦唔出奇。
中國油氣（00702） 目標價：0.53元 止蝕價：0.45元
