內地中產多過美國人口
內地富豪數目雖然愈嚟愈多，但內地要有穩定嘅經濟增長，一定要靠中產，因為佢哋會有穩定嘅消費，咁內地嘅內需就有保證，唔使咁依靠出口去支撐經濟增長。以內地嘅標準，有乜quali至係中產？當中數量有幾多？
《福布斯》估逾3億人
根據《福布斯》中文專欄作家嘅標準，生活喺城市，年齡二十五歲到四十五歲之間，仲要擁有大學學位，年收入1萬到6萬美元。今年內地嘅中產數量會超過3億人，咁咪仲多過美國嘅人口？
差啲講漏咗，以《福布斯》嘅專欄所講，內地嘅中產應該包括「各行各業」嘅專業人士同企業家，即係藍領都可以係中產。呢個標準比內地學者以職業同學歷嚟分，範圍真係闊好多。
好多研究機構同學者都會度套標準出嚟，計吓社會有幾多中產人口。雖然每個國家嘅生活成本唔同，但個專欄有一點好有道理嘅，就係攞得出三分之一嘅收入用嚟自由消費同支配，就算得上係中產嘞。