大戶無損 初哥當黑
政府推出打擊炒樓措施，原先是殺大戶炒家，後讓用家「安全」入市，不過，近一周以來，反而出現大批「散戶」投資者及用家，分別減價或撻訂「跳車」，而有不少大戶炒家就已聞風先遁；資深投資者陳清白嘆言：「近日忍痛蝕讓嘅個案中，大多數唔係專業炒家，估計當中不少係一時『手痕』，跟風短炒嘅初哥。」
擁有數十年物業投資經驗嘅陳清白認為，上述新措施推出只係一個星期，真正威力暫時未見，依家急腳撻訂走嘅業主，大多數係無炒樓經驗嘅初哥，他們對措施不知所措，惟有選擇蝕讓或減價離場；相信多等兩個星期，不少揸重貨嘅炒家開始「頂唔住」，要平賣「減磅」，相信減幅可達約3至10%，到時大家有機會執筍貨。
資深炒家早轉攻商廈
事實上，早於該措施公布前，不少資深大戶投資者已早着先機，「棄住宅、投商廈」，其中，有「美孚收租王」之稱嘅資深投資者張大朋，早前盡沽荔枝角美孚新邨單位後，轉而密密手掃入金鐘海富中心1座多個優質單位，涉資共逾3.2億元，一年間該批物業已升值約7,000萬元。
陳清白預期，揸重貨的炒家兩星期後開始要減磅。 【資料圖片】