太子手記：美聯黃錦康最叻耍太極
人人話中環有好多武林高手，太子發現原來美聯（01200）高級執行董事黃錦康（Albert），係太極嘅內家高手，曾經响街度畀南亞大隻佬撞，撞人者反被震開，佢唔只响公司內教授太極等員工強身健體，仲將太極精粹應用喺管理工作上。太子獲傳授當中心法，偷偷地傳畀大家。
Albert係畀太極特有嘅「以最小力量，發揮最大力量、以柔克剛」哲學吸引。佢亦慶幸搵到個真正高手拜師，十五年前開始學「趙堡太極拳」，一切由最基本嘅「單鞭」開始，簡單而言，「單鞭」就係太極一張一弛嘅精粹，可領悟到「丹田運轉」，等於練好身體內副引擎，然後融匯每個太極招式。單係「單鞭」呢個架式，Albert就企咗一年。
商戰運用太極心法
Albert仲將太極心法運用於商業管理戰陣，強調「不刁不頂」，即係做生意或投資，都唔好逆勢抗衡，要順勢而行就可以成功。
美聯黃錦康係太極高手，同人比武真係「打到飛起」！