郭台銘 添丁報喜
終得虎子嘅鴻海集團老闆郭台銘，為咗同大眾分享佢再為人父嘅喜悅，就喺愛妻曾馨瑩尋日朝早誕下麟兒三個幾鐘頭後，召開記者會宣布郭家再添一名生力軍，取名「守善」，希望嗰仔能夠永保出世時善良嘅赤子之心。
為仔改名諗埋股價
郭台銘話已經檢查過嗰仔嘅手腳都好健康，佢又感謝上天，畀一個六十歲嘅老人重拾幸福，畀咗佢第二春。仲猛話有細路真係好，比中六合彩仲開心。
不過家吓為咗兩個細路嘅奶粉錢，郭台銘已經決定要繼續拚搏事業，延遲退休咁話喎。講番嗰名，佢話原本想叫嗰仔做「守成」，後來諗諗，驚股價會跌，因為守成唔易，所以作罷。