內地創業板盛產富豪
內地創業板股份上市例飆升，做老細嘅身家就自然水漲船高，依家創業板差唔多玩咗一年，135間上市公司入面，身家達到10億元（人民幣．下同）以上嘅就已經有92個股東，其中一個身家更加超過100億，而南都電源嘅趙亦斕就係最年輕嘅富豪元，年紀只有三十二歲。
首富身家過百億
創業板富豪排第一嘅係智飛生物大股東蔣仁生家族，財富有104億元，向日葵光能董事長吳建龍就以82億元屈居第二。上榜咁多位富豪都好後生，平均只有四十六歲。
至於從事電池行業嘅南都電源兩公婆周慶質同埋趙亦斕身家總共有27億元，排名第十七位，趙亦斕年僅三十二歲，就成為億萬富翁。不過胡潤話一旦佢哋開始減持創業板股票，可能會影響到創業板嘅高市盈率，意味着到時呢班富豪身家可能會大縮水。