滙豐鼓勵員工調職
滙豐控股（00005）嘅業務足迹遍布全球，工種自然多過好多企業，為咗令員工可以發揮所長，滙豐首次推出調職計劃，鼓勵員工內部轉職，嘗試出任其他地區嘅工作崗位，有助事業更上一層樓。想突破吓依家嘅框框，又或者依家做得悶悶地嘅員工，不妨考慮吓，對自己同埋公司都係好事。
過來人分享經驗
滙豐向員工公布呢個消息之餘，仲係最新員工通訊訪問咗已喺滙豐打工超過十二年嘅「過來人」Cameron Senior，等大家可以參考吓佢嘅經驗。
佢之前喺澳洲、英國工作過，依家就喺香港出任亞太區個人理業務Senior Customer Propositions Manager（高級客戶事務經理）。
Cameron醒咗「貼士」畀有心人，要成功內部轉職，最緊要夠主動，自己亦有需要向直屬經理提出調職要求。有心人不妨參加下周三至五舉行嘅首屆事業博覽，不過只限內部員工參與。