馬化騰化悲憤為力量
騰訊（00700）與奇虎360嘅衝突，被主席馬化騰形容為「公司過去十二年遭遇嘅最大危機」，又指自己「仍感到事件未完全脫離危險」。
不過，大家千萬不要誤以為事件會搞到呢位有少許「宅男」特質嘅QQ之父手忙腳亂，佢周四晚出席公司十二周年慶典後，特登寫信畀全體員工，話360事件「不是公司最壞的時刻」。
他又指，公司上下目前最重要嘅係放下憤怒，抓住時機，完成一次蛻變嘅機會。
公開信籲員工求變
好多人都知性格較為內向嘅馬化騰，甚少好似其他內地IT老總咁高調向員工公開發表「精神講話」。佢喺信中坦言，由於自己不善言辭，所以選擇郵件嘅方式與員工溝通。馬化騰話，360事件使一種同仇敵愾嘅情緒喺公司內部發酵，很多人都把360視為敵人，但歷史亦證明憤怒燒掉嘅只可能係自己。他又指，若非對方發難，公司上下絕不會有咁多反思與感悟。佢希望透過結束這場紛爭，抓住時機完成一次蛻變嘅機會。