丁伍號傳聖火 出錢出力
亞運喺廣州舉辦，前日就進行火炬傳遞儀式，作為亞運運動服嘅高級合作夥伴，361度（01361）嘅總裁丁伍號以火炬手嘅身份參與，喺廣州市區傳遞第10棒聖火。
丁伍號話，361唔單止肩負起傳遞亞運理念嘅責任，仲要讓亞運精神留喺中國，為亞洲體育事業孕育中國火種。
捐火炬鼓勵體育事業
完成聖火傳遞後，丁伍號代表集團將火炬捐畀西部希望小學，希望可以通過捐助同埋贊助青少年體育賽事，培養孩子對體育嘅熱愛。
另外，361度嘅體驗館亦正式開館，係亞運會歷史上第一家中國體育運動品牌體驗館。場館入面展示亞奧理事會同埋亞洲之隊模特組、亞運運動專項競賽裝備、中國之隊亞運裝備、亞運官方裝備等等。
361度總裁丁伍號獲邀，成為亞運火炬手。