市場徐想：泓淋科技 值得留意
呢期股市繼續熾熱，IPO活動陸續有來，剛剛見到隻新股都可以留意吓，佢就係泓淋科技（01087）。
泓淋喺全球數據傳輸線纜相關行業中佔據領先地位，根據獨立市場研究及諮詢公司調查，按一○年上半年收入計算，泓淋科技係全球第二大外接訊號線組件製造商，市場份額有21.8%；亦係全球第三的手提電腦內接訊號線產品製造商同全球數據傳輸線纜製造商，市場份額分別係19%同7.3%；同時係全球第五大電源線組件製造商，市場份額5.6%。
泓淋有龐大同穩固嘅客戶基礎，集團亦建立了垂直整合業務模式，係同業裏面少數可以提供完整配套產業鏈，有效提高產品質量同控制營運成本。另外，泓淋分別喺威海、蘇州、山東德州、武漢同台灣建立營銷網絡，亦計劃喺重慶同惠州設立新廠區。此外，泓淋喺台灣建立起國際營銷中心，開拓歐美日市場。