許照中「i世代」更念舊
近期最hit嘅電子產品，非ipad莫屬，好多人都手持一部，證明自己係「潮人」。僑豐證券董事總經理許照中，喺中環出出入入，當然有齊ipad、iphone等潮物，之不過，雖然呢啲人氣產品大熱，但許照中仍然鍾情用陪伴咗自己多年嘅手機寫嘢，證明佢係一個非常念舊，兼且不會貪新忘舊嘅人！
愛用舊款手機寫稿
大家都知許照中喜歡寫文章，太子諗佢實會利用依家嘅新科技，點知佢話堅持用番已用咗多年嘅手機寫嘢，仲話冇咗佢唔掂。
經紀行爭相減佣已是不爭嘅事實，原來行內有句術語，將經紀佣嘅百分比叫做「滴」，舉個例，以前嘅最低佣金0.25%，就叫做25「滴」，依家有啲經紀行減到6滴（即係0.06%），如果個客買賣多兼做得大，更加係減到1、2滴。難怪許照中要為僑豐不斷諗計發圍，兼且度橋提升形象喇！
