市場徐想：內地面膜業有錢途
美即控股（01633）係中國面膜行業嘅「大佬」，根據CTR報告，二○○九年，按零售額計公司嘅品牌佔中國面膜市場15.1%嘅最大份額。公司旗下所有產品都透過內地完善嘅分銷商同零售商網絡出售，現時總共有3,330個銷售點。內地消費品零售額複合年增長率達18.5%。同期，貪靚嘅中國姊妹們繼續貪靚，內地護膚品銷售額嘅複合年增長率達31.6%，已超越內地消費品嘅零售額複合年增長率19.7%，係中國消費品同護膚品行業嘅零售額升幅之冠。人有錢，對外觀打扮方面嘅消費自然同步增加。
從筆者三維分析，美即會向以下方向發展：一、擴大和優化公司的銷售渠道；二、增強公司的產品開發實力；同埋三、增加公司的產能。美即近期以「放風箏」之勢飛升，既具內需概念，加上仲係「市場大佬」，而且業務概念獨特，中線可望反覆向上。