平保高層 山區助學
內地嘅經濟生產總值雖然已經排名第二，但係有啲地方仲係好窮，教育嘅資源唔多，唔講唔知，原來平保（02318）就非常重視小朋友無書讀嘅問題，咁多年來除咗捐唔少錢起平安希望小學之外，每年仲會去唔同地方做支教活動，佢哋嘅首席保險執行官任匯川仲不時親身去做義工添。
走遍貴州內蒙做義工
每年入冬嘅呢個時候，平保嘅員工都會走訪唔同偏遠山區教小學生讀書寫字，今年佢哋就安排咗五十幾批員工，由九月開始走遍貴州、河北、甘肅同埋內蒙古等地方做義工，最後一批就會喺下個月出發去黑龍江。
平保起小學已經起咗十幾年，佢哋唔單止出錢，而且仲會出力，經常回訪學校，教吓佢哋讀書，送吓嘢畀佢哋，又或者搞吓啲活動畀佢哋玩，好似任匯川咁，雖然日理萬機，但係都經常身體力行去做志願工作。