用「否極泰來」嚟形容國壽（02628）近日嘅表現，最適合不過。國壽嘅股價曾經大追落後，但由於中期淨利潤得180億元人民幣，同比僅升7.4%，每股基本同攤薄盈利係64分，真係令人擔心佢嘅營運狀況，故其股價連30元水平亦曾失守。
事實上，呢啲數據顯示國壽嘅新增業務有少少弱，意味着其未來十五年嘅新業務價值，年增長率大約得4%，發展步伐似乎放緩。雖然內地保險業長遠發展前景仍十分理想，但國壽早前嘅弱勢顯示行業有機會遇上短期嘅「樽頸位」。
不過，內地加息，國壽得益，佢擁有4,000幾億人民幣定存，如果加息周期剛剛開始，將會為國壽加添鑊氣，睇吓佢有冇力飛上去年十二月高位41.45元啦！