投行阿頭 湧港增援
隨住友邦（01299）同埋農行（01288）呢啲重磅股喺香港成功抽水，香港嘅集資中心角色更穩固，愈嚟愈多金融機構重兵駐紮香港，大有跟隨滙控（00005）東移嘅做法。
亞洲IPO全球最旺
其實唔單止香港，成個亞洲區IPO都好旺，有數得計o架，《彭博社》資料顯示，金融業過去一年全球頭五大上市活動都喺亞洲進行。排住隊巨額「抽水」呢個勢頭呢兩年都應該唔變，區內專做金融業（FIG）顧問生意嘅賓架可以話做到無停手。
有消息話野村、高盛、美銀等大行急急安排人手去亞洲增援，以免肥水流去別人田，既然增兵，就梗係要有將領才成事。來自倫敦嘅野村董事總經理Peter Sternby、紐約嘅高盛賓架Peter Enns等，近期都搬到香港駐守。老友話，出年仲會多呢類型嘅阿頭駐港。
喺舞蹈導師帶領下，渣打員工喺分行跳「日舞」。