市場徐想：人仔概念 長炒長有
早期我講過，日本減息係「逆向思維」，因為佢唔敢帶頭加息，驚畀全世界大國話佢，加上美國耐唔耐又話準備印銀紙，大家都期待新一輪「股市幻象」出現嘅時候，阿爺「無聲勝有聲」咁加番四分之一厘，向全世界講聲，中國邁向強國新紀元，真係要向阿爺致敬。
大家都知，中國面臨「資產泡沫」嘅問題係唔可以講笑，加息喺傳統經濟學嚟講，當然希望可以拖一拖通脹同埋資產價格上升，認真用心良苦。中國加息，將會成為一招好好使嘅「吸資大法」，調整係一件好事，不過調唔調到你同我想見到嘅嗰個位，又係另一件事，加上炒作「人仔買賣」，其實對港股後段都仲係有利。
睇真啲，今次調高定存息率，但活期存款率又冇變，內需嘅大浪仍維持不變，調整過後，人仔升值概念又會成為下轉炒鑊勁嘅主題，資源同政策股又會發惡，留意吓啦！
