宋鴻兵又發「戰爭」財
貨幣戰爭成為國際間熱門話題，三年前寫咗本《貨幣戰爭》嘅宋鴻兵一炮而紅。日前，佢應邀出席韓國首爾「世界知識論壇」，順便「sell」吓即將推出嘅新書《貨幣戰爭3-貨幣高邊疆》（Currency high Frontier），呢本書主要內容當然包括熱門話題人民幣國際化。
現時宋鴻兵係中國經濟學界嘅大紅人。佢解釋「貨幣戰爭」造成嘅損失會遠遠大於真正戰爭損失。佢本新書會講國家主權嘅新思維，同埋人民幣國際化機遇、對亞洲世界嘅影響。
勸美國各界冷靜
但佢提出一個好有趣嘅問題，中國係美國第一大債權人，通常債務人尊重債權人，因為債權人決定一切，不過依家中國同美國嘅位置似乎倒轉，好似中國欠咗美國好多錢，美國呢個債務人對中國提出好多要求，佢仲奉勸美國政府同學者應該要冷靜下來，搵出合理嘅解決方案。
宋鴻兵新書有談及人民幣國際化的話題。 資料圖片