花旗做義工全球總動員
正所謂聚沙可成塔，一個人做義工，又豈及成班有心人一齊做義工嘅成效來得明顯？花旗今個禮拜六將會舉行第五屆「全球義工日」，集合全球100個地區嘅義工，同一日喺各地一齊做義工，而香港花旗嘅員工今年就會參與21項唔同嘅公益活動，好似賣旗籌款、大自然步行籌款、舉行理財教育講座以及傷殘人士工藝班等活動。
太子傳媒老友尋日喺今次活動嘅誓師儀式上，撞見花旗集團香港區資本市場及企業銀行業務總裁麥永森（Alvin），睇見佢好落力咁呼籲身邊嘅同事要積極參與「全球義工日」，原來佢希望，今年參加活動嘅員工人數，可以突破舊年嘅2,300人喎！
麥永森親訪老人家
而Alvin自己當然亦為善不甘後人，今個禮拜六會去東華三院探訪老人。仲講明白「全球義工日」每年只舉辦一日，員工們唔會做到太多，但更重要係向員工傳遞關心社會訊息。
花旗麥永森（中）呼籲同事做義工。