太子手記：黑石舵手訪港開騷逼爆
黑石集團主席施瓦茨曼（Stephen Schwarzman）尋日來去匆匆，日頭專程乘搭私人飛機出席港大陸佑堂的金融座談會後，就立刻飛往上海開會，呢個短聚時刻吸引到星光熠熠嘅嘉賓到場，包括黑石大中華區主席梁錦松、中策（00235）主席馬時亨和前亞視主席張永霖等。
馬時亨請教金融改革
活動完結後施瓦茨曼就飛奔上車，梁錦松全程喺隔籬護航，對於記者一連串嘅提問，施瓦茨曼只拋低一句「No comment（無意見）」。
活動期間，第一個發問嘅係馬時亨，問到自雷曼倒閉以來，美國新嘅金融改革會有效嗎？
佢回應話，《巴塞爾協定三》只係金融服務業改革嘅新開始，新改革可以解決市場過度借貸問題，而且有效控制股票市場的投資風險。
台下觀眾聽得最津津樂道係施瓦茨曼分享自己嘅經歷，外人睇佢哋食嘅住嘅好風光，但其實背後過程係好艱辛，佢初入行時其實好悶，好濕碎嘅嘢都要做，但捱過咗呢個時期，並得到上司賞識後，獲分配嘅工作就會變得有趣。