期指攻略：續持好倉 上移止賺位
美金跌到散晒，美匯指數連77都守唔住，結果港美股市升完可以再升。尋日恒指以接近全日高位23,852點收市，十月期指升293點，收報23,874點，大市成交增至1,385億元，配合升勢。
事實上，今次美元大弱勢引發資金湧入股市，兇猛程度是金融海嘯後鮮見，所以絕對不適宜太早睇淡，情願做個蠢人隨波逐流，也比扒逆水做智者，結果換來不斷被挾的悲慘下場好。
勢估唔到，在23,220點買的期指，初步目標23,750至23,900點於兩日已到位。除了繼續揸好倉外，沒有其他想法，今日開始把止賺位再調高到23,750點，如收市低於此水平則平倉去也。
