流動數據全面普及，今時今日買部手機返嚟隨時「用來睇（互聯網）多過講（話音服務）」，所以手機網絡商賣手機都要搞搞新意思。就好似和電香港（00215）旗下3香港於中環新開張的概念店，就特別引入自家開發嘅「互動陳列架」，實行以互動方式讓用家感受各款手機特有功能。就連同系3英國的同事都大讚創意十足，仲有意將呢種展銷方式引入當地添！
和電香港流動電訊營運總裁龍佩英（Amy）話，開發「互動陳列架」就係要讓用戶喺試用實機嘅同時，兼且可透過接連大屏幕，即時了解手機各項功能及收費計劃。